Mouriño entrega os máis de 80.000 euros recadados para a reforestación forestal
Mouriño: "O Celta sempre quere estar co celtismo e con Galicia, así que sentimos representantes da nosa identidade e das nosas raíces"
A presidenta do Celta, Marián Mouriño, entregou este xoves os fondos recadados, un total de 81.054,12 euros, na campaña solidaria “Xuntos contra ou lume”, unha iniciativa impulsada polo conxunto celeste para axudar á recuperación das zonas de Ourense gravemente afectadas pola vaga de incendios forestais do pasado verán.
“O Celta sempre quere estar co celtismo e con Galicia, así que sentimos representantes da nosa identidade e das nosas raíces. Por iso, sempre apoiaremos estas causas solidarias”, manifestou a dirixente celeste aos xornalistas.
Durante o acto, celebrado na sede da Confederación Empresarial de Ourense, realizouse a entrega dos cheques ás tres entidades beneficiarias e procedeuse á firma dos acordos de doazón entre os presidentes das comunidades de montes e a presidenta celeste. Posteriormente, Mouriño revelou que o diñeiro recadado permitirá impulsar “proxectos chave” en San Vicente de Leira (Vilamartín de Valdeorras), Cualedro e Laza, tres exemplos do “impacto devastador” do lume no rural galego.
En Vilamartín de Valdeorras, o proxecto consiste na restauración da antiga escola como centro social veciñal, aproveitando a madeira queimada. Esta transformarase na fábrica de CLT de Xilonor e, cos paneis resultantes, reconstruirase a escola utilizando a propia madeira da Comunidade. En Cualedro, as necesidades principais inclúen restauración edafolóxica, retirada de madeira, habilitación de pastos para o gando e recuperación de sistemas silvopastorais.
En Laza, un dos montes veciñais máis extensos de Galicia, con 2.400 hectáreas, das cales arderon máis de 1.300. Antes dos incendios, a Comunidade de Montes traballaba nun proxecto para construír un Centro de Día para as persoas maiores da parroquia, utilizando madeira contralaminada (CLT) xerada a partir dos seus propios recursos forestais.
Tras os incendios de agosto, o proxecto está seriamente comprometido, cunha estimación inicial de 2,5 millóns de euros para restaurar a superficie afectada.
