Mouhamet Diouf, estatura e futuro para o xogo interior do Breogán

O Breogán está preto de pechar unha nova incorporación para o seu cadro da temporada 23-24. Trátase do pivote italiano de orixe senegalesa Mouhamet Diouf. 

Diouf (10/09/01) é un xogador de 2,07 que viría a reforzar o xogo interior dos de Mrsic. Foi internacional italiano en todas as categorías e estreouse na absoluta nunha das últimas ventás Fiba. 

Na última temporada, no Reggiana, promediou 6 puntos e 3,2 rebotes, pero no treito final da competición o seu peso no equipo medrou moito e foise ata os 12 puntos de promedio nos dous últimos meses da Lega A.