39 falecidos e 152 feridos ao descarrilaren dous trens de alta velocidade en Córdoba

Un total de 39 persoas faleceron no accidente de trens de Adamuz (Córdoba), segundo indicaron a EFE fontes da investigación. Un total de 73 persoas permanecen ingresadas, 24 delas en estado grave, das que catro son menores.

Aplícase o Protocolo nacional de actuación en sucesos con vítimas múltiples e, polo tanto, no Instituto de Medicina Legal de Córdoba o Centro de Integración de Datos. A el incorporaranse expertos do Servizo de Criminalística da Garda Civil encargados de identificar os falecidos no sinistro, tanto por pegadas como en ADN.

O tren de Iryo que descarrilou este domingo en Adamuz foi revisado o pasado 15 de xaneiro, fai tan só catro días, e fabricouse en 2022, segundo a información da compañía.

Un tren da compañía Iryo, que saíra de Málaga ás 18:40 horas con destino a Porta de Atocha con 317 persoas, descarrilou os seus tres últimos vagóns ás 19:39 horas e invadiu a vía contigua pola que nese mesmo momento circulaba outro convoi de Renfe con destino a Huelva, que tamén descarrilou. 

Os vagóns do Iryo impactaron contra os dous primeiros vagóns do Alvia de Renfe, que saíron despedidos. Un dos falecidos é o maquinista do Alvia.

Como consecuencia do impacto dos vagóns, que o ministro de Transportes, Óscar Puente, cualificou de "terrible", faleceron polo menos 21 persoas, e decenas máis resultaron feridas graves.

A Junta de Andalucía activou o Plan Territorial de Emerxencias de Protección Civil en fase 1; inicialmente desprazáronse cinco vehículos de Bombeiros e 15 efectivos, ademais de 11 vehículos da Policía Local con 28 axentes cargados de material de apoio (mantas, auga e iluminación e tres carpas de posto de mando avanzado).

Tamén foron desprazados 12 efectivos e tres todo terreo de Protección Civil, cinco grupos electróxenos e dous autobuses de Aucorsa, mentres que se mobilizaron gardas civís de Adamuz, Villafranca e Montoro, cuxos alcaldes están no lugar.

Posteriormente desprazouse tamén o batallón de Intervención en Emerxencias II da Unidade Militar de Emerxencias (UME) con base en Morón de la Frontera (Sevilla) con diverso material de rescate, sanitario e de avituallamento, ademais de con material de excarceración e iluminación para traballar na zona. 

Familiares dos pasaxeiros do tren Alvia con destino a Huelva, implicado no descarrilamento desprazáronse á estación onubense para obter información ante a imposibilidade de contactar cos seus achegados.

Os familiares acudiron visiblemente afectados pola incerteza e a falta de noticias sobre o estado dos seus seres queridos.

Na estación habilitouse un punto de atención psicolóxica, mentres que a alcaldesa, Pilar Miranda, e a subdelegada do Goberno en Huelva, María José Rico, trasladáronse ao lugar para brindarlles apoio.

As estacións de tren de Atocha (Madrid), Córdoba, Sevilla e Málaga permanecerán abertas toda a noite para aloxar aos centos de pasaxeiros que non puideron coller os seus trens.

A través da súa conta de X, o presidente do Goberno, Pedro Sánchez, informou de que o Executivo está a traballar con outras autoridades competentes e cos servizos de emerxencia para auxiliar aos pasaxeiros dos dous trens descarrilados.

Panel informativo na Porta de Atocha. EFE/Javier Lizón

Circulación suspendida

De acordo con ADIF, os trens afectados son o Iryo 6189 Málaga-Porta de Atocha e o convoi AV/AV 2384 Porta de Atocha-Huelva, tamén de longa distancia. 

Por mor do sinistro, a circulación de trens de alta velocidade entre Madrid e Andalucía quedou suspendida.

Seguimento do sinistro

O ministro de Transportes e Mobilidade Sostible desprazouse á estación madrileña de Atocha para seguir desde o centro de emerxencias de Renfe o operativo.

"Atópome no H24 de Adif desde hai media hora seguindo a información do grave accidente ferroviario en Adamuz (Córdoba). Irei informando por aquí das novidades que estean confirmadas", escribiu Óscar Puente na súa conta de X ao redor das 21:20 horas deste domingo.

O presidente do Goberno, Pedro Sánchez, informou a través da rede social X que o Executivo está a traballar con outras autoridades competentes e cos servizos de emerxencia para auxiliar as persoas afectadas.

Muy pendiente del accidente entre dos trenes de alta velocidad que han descarrilado en Adamuz (Córdoba).

El Gobierno está trabajando con el resto de autoridades competentes y los servicios de emergencia para auxiliar a los pasajeros. https://t.co/7q7p9Pdn3K

— Pedro Sánchez (@sanchezcastejon) January 18, 2026

Tras o sinistro decidiu suspender a súa axenda para este luns, incluída a reunión que tiña prevista co líder do PP, Alberto Núñez Feijóo. 

Pola súa banda o presidente do PP, Alberto Núñez Feijóo, nunha mensaxe en X, dixo que debido a que as noticias que chegan de Córdoba son "moi graves e dolorosas" o máis urxente agora é atender as vítimas e as súas familias. 

Las noticias que llegan de Córdoba son muy graves y dolorosas, y nada hay más urgente ahora que atender a las víctimas y a sus familias.

Por ello, acabo de escribir a @sanchezcastejon para proponerle suspender el encuentro que teníamos previsto para mañana.

Toda la atención…

— Alberto Núñez Feijóo (@NunezFeijoo) January 18, 2026

Desde Galicia, o presidente da Xunta, Alfonso Rueda, utilizou a mesma rede social para solidarizarse coas vítimas.

Consternado polo grave accidente de tren en Adamuz. Todo o apoio ás familias das vítimas e ás persoas feridas, e un recoñecemento ao labor incansable dos equipos de emerxencias que están a atender ás persoas afectadas. Galicia permanece ao carón de Andalucía

— Alfonso Rueda (@AlfonsoRuedaGal) January 18, 2026

Tamén os reis de España seguen moi preocupados desde Atenas o grave accidente de trens.

Seguimos con gran preocupación el grave accidente entre dos trenes de alta velocidad en Adamuz.

Trasladamos nuestro más sentido pésame a los familiares y allegados de los fallecidos, así como nuestro cariño y deseos de una pronta recuperación a los heridos.

— Casa de S.M. el Rey (@CasaReal) January 18, 2026

O presidente de Renfe, Álvaro Fernández Heredia, enviou as súas condolencias ás familias e seres queridos das vítimas do accidente ferroviario a través dun chío na rede social X.

Mis más sinceras condolencias a las familias y seres queridos de las víctimas del accidente ferroviario. Aún es difícil conocer la dimensión total de lo ocurrido. Equipos de renfe siguen colaborando con los servicios de emergencias. Es una tragedia que nos golpea a todos pic.twitter.com/GAXcy0n16p

— 🚉Álvaro F Heredia🚅🚈🚂 (@Transxte) January 19, 2026

Familiares na estación de Huelva. EFE/Alberto Díaz.