Morren 22 persoas nunha redada contra o tráfico de drogas no Río de Xaneiro

No Brasil, unha redada policial contra unha importante banda de narcotraficantes deixou polo menos 22 mortos nunha favela do Río de Xaneiro.

Segundo a versión da policía, os axentes foron recibidos a tiros polos membros da banda de narcotraficantes.

As vítimas foron trasladadas a un hospital local, ata onde se desprazaron familiares para identificar os cadáveres.

Durante a redada, en que a policía utilizou vehículos blindados, os axentes interviñeron varias pistolas, trece fusís e unha decena de granadas de man.