Cargando resultados...
Morre unha peregrina alemá ao caer coa bicicleta por un desnivel de 30 metros
O 112 activou a atención psicolóxica especializada para atender a súa parella coa que facía o Camiño
O accidente ocorreu no lugar de Maariz
G24.gal
13/06/2026 17:36
Última actualización 13/06/2026 18:06
Unha peregrina alemá que facía o Camiño de Santiago en bicicleta faleceu na tarde deste sábado no concello de Mondoñedo. Segundo informa o 112, a muller caeu por un desnivel duns 30 metros no lugar de Maariz.
A Axencia Galega de Emerxencias activou a atención psicolóxica especializada para atender a súa parella, coa que saíra de Portugal. Esta noite tiñan previsto durmir en Foz.
No operativo participou a Garda Civil de Tráfico, o 061 e os Bombeiros de Barreiros. De acordo co testemuño destes últimos, a vítima, duns trinta anos, tivo "moi mala sorte" porque o treito non presentaba ningunha dificultade.
