Morre unha adolescente española nunha caída nos Pireneos franceses

Unha adolescente española de 14 anos morreu este luns no departamento francés de Pireneos Atlánticos, lindeiro co Pirineo navarro, nunha caída mentres facía sendeirismo co seu pai, confirmaron a EFE fontes diplomáticas españolas.

O incidente ocorreu cara ás 16 horas (14 GMT) na zona da comuna de Arette, a onde acudiran de vacacións. A menor escorregou mentres os dous facían unha camiñada e foi seu pai quen alertou os servizos de emerxencia.

"Ao parecer, escorregou e caeu por un saínte rochoso, durante uns cen metros", indicou Pierre Casabonne, alcalde de Arette, segundo recolleu a cadea pública France Bleu.

Pyrénées-Atlantiques : une adolescente, en randonnée avec son père, meurt après une chute dans le secteur d'Arette
➡️ https://t.co/qtb5l3XO05 pic.twitter.com/tUqDibxAXb

— France Bleu (@francebleu) April 1, 2024

Tras o accidente, o pai, en estado de choque segundo a información facilitada polo primeiro edil, comprobou que era incapaz de socorrela e desandou o camiño que os levaba ata a meseta de Séguitte para buscar auxilio.

Os servizos de rescate de montaña franceses estiveron no lugar ata as 19:30 horas (17:30 GMT) e mobilizaron un helicóptero para evacuar á menor falecida.

📢 Une jeune randonneuse est morte hier à Arette, dans les Pyrénées-Atlantiques. Victime d'une chute lors d'une randonnée avec son père, elle est tombée de plusieurs dizaines de mètres#ApollineMatin pic.twitter.com/GSMymy1vYS

— RMC (@RMCInfo) April 2, 2024

Fontes da Embaixada de España en Francia confirmaron a EFE o falecemento e que o Consulado español en Pau está en contacto coa Xendarmería francesa, que se ocupou do rescate do corpo, e coa Prefectura, responsable da investigación do suceso.

O Consulado e a Unidade de Emerxencia Consular do Ministerio de Asuntos Exteriores español puxéronse ao dispor da familia para darlle asistencia e colaborar na repatriación.