Morre un veciño do Incio nun accidente de moto en Marrocos

Un home, veciño do concello lucense do Incio, morreu en Marrocos tras sufrir un accidente de moto. A vítima, de 40 anos, sufriu unha saída da vía que rematou no tráxico desenlace.

O accidente produciuse este sábado cando o home estaba a realizar unha viaxe con catro amigos polo país africano. Os membros da expedición planificaran a viaxe para gozar da súa paixón, as motos. Unha viaxe que desgraciadamente se truncou preto da cidade de Agadir, nun fatal accidente.

Os trámites para repatriar o corpo xa están en marcha e espérase que poida realizarse o máis pronto posible.