Morre un home no Grove ao caer mentres colocaba unha antena
Para aclarar o sucedido abriuse unha investigación deste accidente laboral
Un home faleceu este martes no Grove mentres trataba de colocar unha antena. Segundo informa o servizo de emerxencias 112 Galicia, o operario sufriu unha caída que lle provocou a morte sen que os servizos sanitarios puidesen salvalo.
🔴 #AXEGAInforma dun operario falecido, no #Grove, ao sufrir unha caída mentres trataba de poñer unha antena. Os sanitarios nada puideron facer por salvalo. Ao lugar acudiron os efectivos de Protección Civil e as forzas da orde, que tratan de aclarar as circunstancias do suceso. pic.twitter.com/1TzHAmPAkV
— 112Galicia (@112Galicia) January 2, 2023
O accidente produciuse desde unha altura duns cinco metros. Foi contra as 11:30, á altura do número 35 do lugar de Campos. Ata o lugar desprazouse persoal do 061, Garda Civil, Policía Local e Protección Civil do Grove.
A causa do accidente laboral abriuse unha investigación para aclarar o sucedido.
.png)
