Falece un traballador tras caer dende unha altura en Carballeda de Valdeorras
O accidente produciuse no lugar de Soutadoiro
Imaxe de arquivo
Un traballador faleceu este mércores tras caer dende unha altura no lugar de Soutadoiro, no municipio ourensán de Carballeda de Valdeorras.
O accidente produciuse poucos minutos antes das 16:00 horas.
Varios particulares alertaron aos servizos de emerxencia e indicaron que o operario puido caer dende un tellado ou dunha escaleira.
Ata o lugar desprazáronse efectivos de Urxencias Sanitarias de Galicia-061, que mobilizaron o helicóptero medicalizado con base en Ourense, así como axentes da Garda Civil e integrantes do GES de Valdeorras.
A pesar dos esforzos do equipo sanitario, non puideron facer nada por salvarlle a vida ao home.
A Garda Civil abriu unha investigación para esclarecer as circunstancias do suceso.
