Morre un home en Narón tras caerlle enriba unha figueira nunha leira

Un home faleceu este sábado no lugar da Gándara de Abaixo, en Narón, tras caerlle enriba unha figueira nunha leira da súa propiedade. Tiña 88 amos e era veciño do lugar de Longras.

Polo de agora descoñécense as circunstancias deste tráxico suceso que causou un profundo pesar entre os seus veciños xa que levaba toda a súa vida rsidindo alí. Ademais dos servizos sanitarios, que só puideron certificar a morte do home golpeado pola árbore, desprazáronse ata o lugar os bombeiros de Narón, e axentes da Policía Nacional e da Local.

🔴#AXEGAInforma dun home falecido no lugar da Gándara de Abaixo, en #Narón, tras caerlle enriba unha figueira nunha finca particular. Ademais dos servizos sanitarios, que tan só puideron confirmar o seu pasamento, acudiron #BombeirosNarón, @policia e #PolicíaLocal. pic.twitter.com/dDaN6vAlyI

— 112Galicia (@112Galicia) August 6, 2022