Morre un home de 83 anos nunha saída de vía en Chantada

Un home de 83 anos morreu na mañá deste martes ao sufrir unha saída de vía co seu vehículo cando circulaba por unha estrada no municipio lugués de Chantada.

O sinistro tivo lugar ás 9:45 horas deste martes no punto quilométrico 36,700 da estrada que une Monforte e Lalín, segundo informou a Garda Civil.

O coche que manexaba o falecido saíu da estrada pola marxe dereita. Como consecuencia do impacto morreu no acto o condutor, veciño de Chantada e que viaxaba só no momento do accidente.