Morren dous garda civís ao chocaren dous barcos do corpo seguindo unha narcolancha en Huelva
Os falecidos tiñan 55 e 56 anos e levaban 30 no corpo
Ademais das vítimas mortais, outros dous axentes resultaron feridos, un grave e outro leve
Aberta unha investigación para determinar as causas do accidente
Dous gardas civís morreron ao chocaren dúas patrulleiras do intituto armado mentres perseguían a unha narcolancha a unhas 80 millas da costa de Huelva.
O primeiro falecido, Germán P.G. tiña 55 anos e era natural de Teruel. Levaba 34 anos no Servizo Marítimo da Garda Civil, corpo no que ingresou en 1989, aínda que foi en 1994 cando se incorporou á Comandancia de Huelva. Na súa traxectoria, o axente recibiu "numerosas distincións e felicitacións", segundo fontes do instituto armado.
Horas despois do accidente morreu o capitán Jerónimo J.M., de 56 anos e nado na localidade malagueña de Villanueva del Rosario, quen inicialmente resultou ferido grave no choque.
Jerónimo J.M. tiña 56 anos, ingresou na Garda Civil en 1994 e estivo destinado en Guipúscoa entre 1999 e 2005. En 2005 chegou á Comandancia de Málaga, como alférez, e entre 2010 e 2018 foi comandante tanto en Málaga como en Córdoba.Incorporouse como capitán ao Servizo Marítimo de Huelva en 2020, e, do mesmo xeito que o seu compañeiro falecido, recibira distincións no corpo.
A Asociación Unificada de Gardas Civís amosa a súa consternación
Durante a actuación, dous axentes máis resultaron feridos, un deles grave e outro leve, aos que a Garda Civil desexa "unha pronta recuperación", segundo figura no comunicado de condolencias que distribuíron en redes sociais.
Pola súa banda, a Asociación Unificada de Gardas Civís (AUGC) tamén mostrou a súa consternación polo accidente dos axentes en acto de servizo, na súa conta na rede social X, desde a que envían "toda a súa forza, apoio e cariño" ás familias e compañeiros nestes momentos.
Apoio da armada
A Garda Civil tivo que pedir apoio da Armada para remolcar as embarcacións sinistradas a porto ante o risco de afundimento.
O suceso volve poñer o foco nos riscos da loita directa contra o narco nas costas andaluzas. Hai dous anos outros dous axentes da Benemérita morreron e catro quedaron feridos ao ser arremetidos adrede por unha narcolancha no porto de Barbate.
