Publicador de contidos

Publicador de contidos

Morre Thierry Mugler, o deseñador que converteu os desfiles en espectáculos

Morre Thierry Mugler, o deseñador que converteu os desfiles en espectáculos

O seu transgresor estilo marcou a moda dos 80 e dos 90

Vestiu a Madonna, Kim Kardashian, Irina Shayk, Beyoncé e Lady Gaga

Faleceu repentinamente este 23 de xaneiro aos 73 anos.

G24.gal 24/01/2022 19:57

Consternación no mundo da moda pola repentina morte, aos 73  anos, de Thierry Mugler, o deseñador francés que marcou a moda dos anos 80. Foi o home que converteu as pasarelas en auténticos concertos.

Pero primeiro foi bailarín. Con 14 anos xa traballaba na Ópera do Rhin, e despois marchou a París para se facer un oco na danza. Mais os seus pasos pronto o levaron cara á moda. 

Estilista independente en París, Londres e Milán, con 25 anos abre a súa primeira tenda, Café de París. E un ano despois funda a sociedade Thierry Mugler, coa que viste as mulleres con teatralidade futurista.

"A organización do vestido, a importancia dos ombros, o xogo e o ritmo das pernas", dicía Thierry Mugler, aprendeunos do baile. 

A súa moda encaixaba nos excesos dos anos 80, a muller parecía transformarse nun robot ou nunha serea. 

En 1984 reuniu 6.000 persoas nunha sala de concertos de París para amosar a súa última coleccción, o que inaugurou en Europa ese camiño do espectáculo: un desfile coma un concerto. Só coa moda en si non lle chegaba, quería teatralidade e música para presentala.

Nos anos 90 chegou o seu perfume Angel, que mesmo competiu co Nº5 de Channel. Lady Gaga, Madonna, Beyoncé e Kim Kardashian estiveron moi preto del. En 2019 Montreal dedicoulle unha retrospectiva que logo viaxou polo mundo. 

Convertido en mito, morrreu inesperadamente. Deixa aquí as súas creacións, que invitaban a soñar en grande cada día. 

Publicidade
Publicidade
Publicidade
Pódeche interesar

Publicador de contidos