Morre o condutor dun quad que caeu por un cantil en Ribadeo

Un mozo de 23 anos, veciño de Ribadeo, faleceu este sábado tras sufrir un accidente mentres facía unha ruta en quad cun compañeiro á beira do mar pola parroquia de Piñeira.

Segundo o Policía Local, a vítima perdeu o control do vehículo e caeu por un cantil ata o mar por causas aínda sen determinar. O Pesca 2 baixou a guindastre e puido sacar o corpo da auga.

O amigo alertou o 112 sobre as 14:30 horas e o servizo de emerxencias avisou a Salvamento Marítimo e o Servizo de Gardacostas de Galicia que enviaron o helicóptero e unha embarcación.

Tamén participaron no operativo, axentes da Garda Civil e da Policía Local, membros de protección civil e persoal sanitario do 061.