Morre Antón de Santiago, cantante lírico e gran divulgador da música clásica

O mundo da cultura despide hoxe o coruñés Antón de Santiago, cantante lírico, compositor e gran divulgador da música clásica, quen morreu onte aos 77 anos. 

O músico foi un dos primeiros locutores da Radio Galega e axudou a crear os primeiros programas culturais da emisora. En 1991, converteuse no xefe do Departamento Didáctico de Canto do Conservatorio Superior de Música da Coruña. Boa parte da súa vida dedicouna a achegar ao gran público a música clásica.