Morre afogado un bebé nunha piscina particular no barrio de Teis en Vigo
Os sanitarios, que se trasladaron ata a vivenda, realizaron manobras de reanimación cardiopulmonar, pero non foi posible salvar a vida do menor
A familia está recibindo o apoio do Grupo de Intervención Psicolóxica en Catástrofes e Emerxencias
O 112 Galicia recibiu o aviso ás 17:40 horas por parte dun particular, que solicitaba asistencia sanitaria urxente para un bebé.
O menor, segundo informou o 112, presentaba dificultades respiratorias tras sufrir un afogamento nunha piscina particular nunha vivenda, situada no barrio vigués de Teis
De inmediato, informouse ao Servizo de Urxencias Sanitarias de Galicia-061 e, de forma complementaria, aos axentes da Policía Nacional e da Policía Local.
Os profesionais sanitarios realizaron manobras de reanimación cardiopulmonar, pero finalmente non foi posible salvar a vida do menor.
Así mesmo, desde o 112 Galicia solicitouse a intervención do Grupo de Intervención Psicolóxica en Catástrofes e Emerxencias (GIPCE), co obxectivo de prestar apoio especializado á familia.
