Morre a cantante galesa Bonnie Tyler aos 75 anos
A interpréte fora intervida de urxencia nun hospital de Portugal no pasado maio
Bonnie Tyler durante unha actuación no Multiusos Fontes do Sar de Santiago en 2021 (Eruopa Press/César Arxina)
A cantante galesa Bonnie Tyler morreu aos 75 anos, segundo un comunicado publicado na súa páxina web.
Nacida na localdiade de Neath, en Gales, en 1951, a interprete será sempre recordada pola súa voz áspera e rachada que lles daba ás súas cancións un estilo inconfundible en temas tan recoñecidos como "It's a Heartache", "Holding Out for a Hero" ou "Total Eclipse of the Heart".
"A familia e o equipo de Bonnie anuncian con gran pesar que Bonnie faleceu inesperadamente onte á noite nun hospital de Portugal como consecuencia da enfermidade pola que estaba a ser tratada", di a nota.
"Emitiremos outro comunicado en breve, pero por agora pedimos privacidade para afrontar esta traxedia", conclúe a mensaxe da web da artista.
A cantante levaba desde o pasado mes de maio en coma inducido tras someterse a unha intervención cirúrxica intestinal de urxencia en Portugal. O mes pasado, o seu portavoz afirmou que saíra do coma, pero que seguía moi grave e en coidados intensivos.
O seu legado, que inclúe 18 álbums de estudo, levoulle a optar a tres premios Grammy entre 1984 e 1995, así como a outros tres premios Brit en 1977, 1984 e 1986. E aínda que non chegou a gañalos, o seu inconfundible estilo sitúana como unha das compositoras máis persoais das últimas décadas.
