Morante de la Puebla recibe unha cornada de 12 centímetros do primeiro touro da tarde en Pontevedra

O toureiro Morante de la Puebla sufriu unha cornada de 12 centímetros esta tarde en Pontevedra, nas Festas da Peregrina. O destro enfrontábase a un touro de Garcigrande cando nun pase o animal colleuno pola coxa. O toureiro foise ao chan e, tras incorporarse, foi levado á enfermería da praza de Pontevedra para ser atendido.

As primeiras informacións apuntan a que José Antonio Morante Camacho, Morante de la Puebla, presenta unha cornada duns 12 centímetros. O matador de La Puebla del Río, que ten 45 anos, está a ser intervido na propia praza de touros.

Alejandro Talavante foi o encargado de acabar co touro que sorprendeu a Morante.