Moncho Fernández non fala da renovación tras chegar aos 400 partidos na ACB

Moncho Fernández celebrou 400 partidos na ACB. Ao botar a vista á fronte, o contrato acaba a final de tempada. E ao ser preguntado respecto diso, se están por vir moitos máis a partir dos catrocentos, Moncho Fernández botou man dun dos seus mandamentos, o que o leva a poñer a atención no futuro máis inmediato:

"Imos xogar contra un equipo que é o máis rápido da liga. A miña situación, agora mesmo, está en facer un bo traballo de rebote defensivo, de balance defensivo contra Manresa. Coñéceme desde hai moitos anos e sabe que é así. Non hai outra cousa".