Mínimas de -10ºC e neve na montaña nunha xornada fría en toda Galicia
Ás 8:50 horas rexistráronse temperaturas de -9,9 ºC en Cabeza de Manzaneda, -8,8ºC en Carballeira de Valdeorras e -7,1ºC en Pedrafita do Cebreiro (Lugo)
Prevese aviso amarelo por frío para esta noite nas zonas montañosas de Ourense
Rexístranse temperaturas baixo cero en case todas as localidades da provincia ourensá nesta mañá, véspera de Reis, a madrugada máis fría do inverno.
Cabeza de Manzaneda (Ourense) rozou durante a mañá deste luns os -10 ºC de temperatura mínima, a máis baixa da comunidade galega. Aemet e MeteoGalicia alertaron de que tanto para esta xornada e como para a do martes, Día de Reis, espéranse temperaturas mínimas moi frías coas cotas de neve moi baixas.
Así as cousas, a estación de Manzaneda rexistraba -9.9 ºC ás 8:50 horas, mentres que Xares, na Veiga, tamén en Ourense, marcaba -9,3 ºC á mesma hora.
Lardeira, en Carballeda de Valdeorras (Ourense) rexistrou -8,8 ºC ás 8:30 horas e Corzos, na Veiga, quedaba moi preto con -8,6 ºC ás 8:00 horas.
En Pedrafita do Cebreiro (Lugo), a mínima foi de -7.1 ºC ás 4:20 horas.
Esta semana estará marcada pola chegada dunha masa de aire ártico que está a provocar un descenso das temperaturas na metade norte, con nevadas en cotas baixas, sobre os 300 metros. Segundo a predición da Aemet, o frío durará, polo menos, ata este xoves.
Á media noite volverase a activar o aviso amarelo por baixas temperaturas nas zonas da montaña de Ourense.
