Mingueza acabará a temporada co Celta e fichará pola Juventus
O Barça posúe o 50 % dos seus dereitos, polo que cobraría a metade dun posible traspaso que obtivese o Celta
Óscar Mingueza vai ser ser un dos grandes protagonistas do mercado de fichaxes. O lateral do Celta de Vigo acumula un bo número de pretendentes neste mes de xaneiro. A finalización do seu contrato en xuño e a falta de acordo para a renovación provocan que non sexan poucos os equipos que tratan de facerse cun futbolista que parece telo todo encarrilado coa Juventus de Turín. E é que en só uns días comezou a gañar forza a posibilidade de que Mingueza firme coa 'vecchia signora', algo que algúns xa dan por feito.
O certo é que todo é unha incógnita e o único que parece claro é que o Celta de Vigo non quere desfacerse do xogador neste mercado de xaneiro. Na Sede non están dispostos a desprenderse do xogador, peza importante no esquema de Claudio Giráldez, debido ao escaso beneficio económico que tería.
Segundo puido saber a TVG, Mingueza acabará contrato con Celta e fichará polo equipo italiano.
Mingueza vai saír do @RCCelta a final de temporada. Pois si, é lóxico que iso pase. Queda libre e o club vigués non pode competir coa @juventusfc en salarios, por non falar da prima de fichaxe. Tampouco vai marchar agora. Así que gocemos dun gran xogador ata final de Liga.
— Víctor López (@victorsaians) January 14, 2026
Hai que ter en conta que en toda esta operación hai que ter en conta que o Barça posúe o 50 % dos seus dereitos, polo que cobraría a metade do traspaso que obtivese o Celta.
