Medran en novembro as pernoitas extrahoteleiras en Galicia

As pernoitas en establecementos extrahoteleiros medraron en Galicia en novembro. Onde máis creceron foi nos aloxamentos de turismo rural, onde se multiplicaron por seis.

Son datos que hoxe publicou o INE e que compara este pasado mes de novembro co de 2020. Tamén medraron o resto de pernoitas en establecementos extrahoteleiros.

Nos campings multiplicáronse por cinco e no caso dos apartamentos turísticos houbo crecemento, pero é menor, non chega ao dobre. No conxunto de España, as pernoitas extrahoteleiras foron case catro veces máis que en novembro de 2020, pero un 13 % menos que as 2019, cando aínda non había pandemia.