Mbappé guía ao Madrid na súa segunda vitoria na Champions
Os brancos golearon 0-5 ao Kairat Almaty en Kazaxistán
Mbappé anotou un hat - trick, Camavinga e Brahim completaron o marcador
@realmadrid
O Madrid goleou en Kazaxistán, 0-5, a un Kairat Almaty que se foi desgastando durante o encontro. O cadro local comezou o encontro con dous achegamentos á portería de Courtois, pero tralo primeiro cuarto de hora, o Real Madrid fíxose co control do xogo e no 25 chegou o primeiro da tarde a cargo de Mbappé dende o punto de penalti. O conxunto kazajo aguantou o 0-1 ata o tempo de lecer.
A segunda metade foi un monólogo madridista. Mbappé anotou no 52 e no 73 para asinar o hat - trick e tralos trocos, Camavinga no 83, e Brahim no 93 sentenciaron o encontro. Deste xeito o Madrid acada a segunda vitoria na competición europea, na que acumula 6 puntos de 6.
