Real Madrid 2-1 Olympique de Marsella
Remonta do Madrid no Bernabeu cun xogador menos dende o 72
Polémica coa expulsión de Carvajal e co segundo penalti a favor dos brancos
O Madrid comezou cunha vitoria pola mínima na Champions ante o Olympique de Marseille. O conxunto branco dominou o encontro dende o inicio con varios achegamentos que obrigaron a Rulli a esforzarse ao máximo. A pesar do bo arranque do Madrid, no minuto 22 chegou o tanto equipo galo a cargo de Weah. Pero a réplica chegou rápido. Rodrygo provoca un penalti que transforma Mbappé para polo empate co que se chegou ao tempo de lecer.
Na segunda metade chegou a polémica. No minuto 72 Carvajal conecta unha cabezada con Rulli sen balón de por medio que o colexiado interpreta como agresión, suficiente para amosarlle o cartón vermello ao lateral branco, que entrara ao terreo de xogo no minuto 5 para substituír ao lesionado Arnold. O Madrid, con 10, continuou buscando a vitoria e tras unha man polémica de Murillo, Mbbappé volveu transformar dende os 11 metros no 81 para polo 2–1 definitivo.
