Polo menos cinco detidos nunha operación contra o tráfico de drogas en Fisterra e Arteixo

Un operativo da Policía Nacional contra o tráfico de drogas deixou polo menos cinco detidos nas localidades coruñesas de Fisterra e Arteixo.

No transcurso da operación, os axentes incautáronse de droga e de bastante diñeiro, segundo trasladan fontes policiais, que aínda non poden especificar as cantidades. O caso, do que aínda non transcenderon máis detalles, instrúese nun xulgado da Coruña.