Newcastle 1-Barcelona 2
Os primeiros goles de Marcus Rashford coa camisola blaugrana outórganlle a primeira vitoria na Champions League ao equipo culé
As paradas de Joan García manteñen con vida os de Flick na primeira metade
@FCBarcelona_es
Inicio con vitoria do Fútbol Club Barcelona na Champions League 2025-26. Dous goles do inglés Marcus Rashford , os primeiros co equipo culé, foron chave para acadar este triunfo en Saint James Park. A primeira parte foi dominada polo equipo británico e soamente as intervencións de Joan García impediron que As Pegas marchasen con vantaxe no marcador ao descanso.
Na segunda parte apareceu a estrela do partido, Marcus Rashford, para anotar por partida dobre. Primeiro cunha gran cabezada e despois cun durísimo disparo desde a frontal da área grande. O gol de Gordon a piques de chegar ao minuto noventa deixou algo de incerteza no marcador pero os blaugranas souberon xogar na prolongación para non ter problemas para pechar o encontro.
