Mauro e Bebeto renden unha homenaxe ao mestre Arsenio Iglesias

Na Coruña, esta tarde dispútase o Teresa Herrera. Os dous protagonistas estarán fóra do campo. Bebeto e Mauro Silva seguen con actos institucionais e pola mañá renderon homenaxe ao que foi o seu adestrador os primeiros anos como deportivistas. 

Bebeto, Mauro Silva e Donato, tres lendas do deportivismo, pasaron polo busto de Arsenio Iglesias para deixar unhas flores e amosar o seu agarimo por outro dos referentes do fútbol galego. Moi emocionados os discípulos de Arsenio ante o busto do que fora o seu adestrador.