Marko Lukovic continuará no proxecto do Breogán

O Breogán anunciou a terceira renovación do seu cadro e xa ten confirmados catro xogadores para a vindeira temporada. O ala pivote serbio Marko Lukovic aceptou a oferta de renovación do equipo lucense e continuará ás ordes de Veljko Mrsic. 

A primeira temporada Lukovic acreditou uns números importantes dentro da rotación breoganista. Foron máis de 10 puntos e 3 rebotes en 22 minutos por partido. A importancia de Lukovic incrementou coas lesións de Bell Haynes e Musa, intre no que o xogador deu un paso adiante e se converteu nun dos referentes do equipo.