Marius Borg exculpa a princesa Mette-Marit como cómplice
O fillo da princesa de Noruega nega que a súa nai manipulara o seu teléfono para eliminar gravacións de supostas violacións
Marius Borg, fillo da princesa Mette-Marit dunha relación anterior ao seu enlace co príncipe Haakon de Noruega, negou que a súa nai manipulara o seu teléfono para eliminar gravacións de violacións antes de entregalo á policía.
Tamén dixo que leva unha vida de sexo, drogas e excesos como resposta á presión dos medios de comunicación por ser fillo de quen é.
Marius Borg afronta catro acusacións de violacións a distintas mulleres mentres durmían, seis de conduta sexual vexatoria e outros de drogas, ameazas, alteración da orde pública ou de tráfico.
O fillo da princesa herdeira, que declara en Oslo, negou as acusacións de violacións, maltrato e gravacións, pero si recoñeceu unha agresión a unha muller e ameazas.
Tamén admitiu ter transportado varios quilos de marihuana para unha terceira persoa e varios delitos de tráfico. En total, 38 cargos que, de ser declarado culpable, poderían condenalo a varios anos de cárcere.
