Mario Dorado non seguirá no Frigoríficos a próxima tempada
Mario Dorado non seguirá no Frigoríficos a próxima tempada
Foi o máximo goleador do Cangas nas dúas últimas temporadas
O extremo esquerdo Mario Dorado non continuará a próxima tempada no Frigoríficos do Morrazo, informou este martes a entidade galega a través dun comunicado de prensa. O xogador andaluz, de 25 anos, chegou hai dúas tempadas ao Gatañal procedente do BM Logroño para suplir a baixa do internacional español Dani Fernández, fichado polo Stuttgart da Bundesliga.
Na súa primeira campaña no Frigoríficos, Dorado asinou 122 goles en 30 partidos (4,07 de media por encontro), unha cifra que xa mellorou no presente campionato, no que acumula 128 goles en 26 partidos (4,92 de media por encontro).
“O xogador ofreceu un gran rendemento nestas dúas tempadas, converténdose nun dos referentes ofensivos do equipo”, destaca a entidade galega.
Internacional júnior coa selección española, Dorado debutou na liga Asobal no curso 2016-17 coa camiseta do Porto Sagunto. Posteriormente, pasou polo BM Benidorm (tempada 2019-20, 16 goles) e BM Logroño (2020-21 e 21-22, 137 goles) antes de asinar polo Frigoríficos.
