O galego Brais Méndez, traspasado pola Real Sociedade ao Columbus Crew dos EUA

A Real Sociedade e o Columbus Crew Soccer Club chegaron a un acordo para o traspaso do xogador Brais Méndez ao conxunto estadounidense por seis millóns de euros, nun acordo supeditado a que o xogador supere o recoñecemento médico e obteña o permiso de traballo, informou este xoves o club donostiarra nun comunicado.

Brais Méndez deixa a Real Sociedade con 166 partidos oficiais e 33 goles ás súas costas. O centrocampista galego chegou a Donostia procedente do Celta de Vigo o verán de 2022 e completou "catro exitosas tempadas", no club guipuscoano, na última das cales se proclamou campión da Copa do Rei, sinala a Real Sociedade.

✨ Galicia Calidade. Grazas por todo, 𝗕𝗿𝗮𝗶𝘀. 💙 pic.twitter.com/wqbEVzRXRt

— Real Sociedad Fútbol (@RealSociedad) July 2, 2026