Mar de fondo do noroeste con ondas de catro metros no litoral coruñés

Unha borrasca situada entre Galicia e Irlanda mantén activo un aviso amarelo por mar de fondo do noroeste en todo o litoral da provincia da Coruña, con ondas que poden superar os catro metros de altura. 

No oeste e no suroeste coruñés tamén se agardan precipitacións abondosas, con acumulacións de chuvia de ata 80 litros por metro cadrado en doce horas. A fronte irá perdendo forza ao longo da xornada do luns.