Publicador de contidos
Publicador de contidos

Manu Barreiro e o futuro: "Que haxa piares sólidos, a xente que rodea o club é válida"

Manu Barreiro e o futuro: "Que haxa piares sólidos, a xente que rodea o club é válida"

É un dos xogadores que acaba contrato co Lugo e, por agora, non tomou decisión algunha 

G24.gal 18/05/2023 12:43 Última actualización 18/05/2023 13:30

O dianteiro do Lugo, Manu Barreiro, admitiu que a tempada do equipo foi "horrorosa" e, aínda así, pola rúa a afección anima aos xogadores que levaron á entidade branquivermella a Primeira Federación tras once anos consecutivos na Liga SmartBank, categoría á que, en opinión do xogador santiagués, os lucenses deben tentar volver con "un proxecto bo".

"A tempada é horrorosa, malísima, e aínda así vas pola rúa e anímanche. Iso non pasa en ningún lado. Anímolles a que o ano que vén sigan apoiando ao club", sinalou o atacante do conxunto galego.

Barreiro recoñeceu que, "por sentimento persoal" e pola sensación de "pertenza" que ten co Lugo, esta foi "a peor tempada" da súa carreira "tanto no persoal como no profesional". El é un dos xogadores que acaba contrato co Lugo e, por agora, non tomou decisión algunha respecto a a próxima tempada, na que a entidade branquivermella contará cun novo director deportivo, segundo avanzou o seu presidente, Tino Saqués, a semana pasada.

"É difícil tomar decisións en momentos tan complicados e vai vir xente nova así que nese sentido pouco podo dicir", sinalou.

Si desexou que "se faga un bo proxecto, as cousas ben e que se poñan uns piares bos" a próxima tempada. 

Publicidade
Publicidade
Publicidade
Publicidade
Pódeche interesar
Publicador de contidos