Máis seguridade ca nunca no San Xoán de Nigrán
Douscentos efectivos velarán pola festa que tamén estará controlada por drons con capacidade de gravación e recoñecemento facial
En Nigrán este ano cadrando co San Xoán co festivo agardan preto de 60.000 persoas. Un reto para a seguridade e os fluxos de persoas. Douscentos efectivos velarán pola seguridade. Haberá coma o ano pasado un posto de mando avanzado da Axencia Galega de Emerxencias e drons tanto de AXEGA como da Garda Civil. Algunhas cámaras teñen recoñecemento facial e capacidade de gravación.
Moitos dos accesos aos principais areais de Nigrán xa están cortados desde este luns. A canalización de fluxos de tráfico e de persoas para evitar tumultos é un dos grandes retos de festas como estas.
duascentas persoas integrarán o operativo: todo o cadro da Policía Local, Protección Civil , Policía Nacional e Garda Civil ,tamén de tráfico e do Seprona.
Unha ducia de drons vixiarán o evento, algúns deles con recoñecemento facial e capacidade de gravación. Todo se controlará e monitorizará desde o Posto de Mando Avanzado que a Axega instalará este ano tamén.
Desde a organización están bastante satisfeitos de todo o operativo e ao que máis temen son os comas etílicos, os casos menores poden ser atendidos no hospital de campaña. O ano pasado apenas houbo incidencias, e hai anos que non hai queimados. A organización temén vela porque non haxa estragos nas dúas grandes lumieiras antes de prendelas.
Especial atención prestarán á xente que faga buratos na area, algo moi prohibido, con penas que van desde os 100 ata os 200.000 euros nos casos máis.
