Máis dun cento de galardoados nos Premios ao Mérito Deportivo de Galicia
Máis dun cento de galardoados nos Premios ao Mérito Deportivo de Galicia
Cento seis persoas recibiron os galardóns que premian unha vida dedicada ao Deporte
Quince distincións foron outorgadas a título póstumo
O acto de entrega celebrouse en San Domingos de Bonaval coa presenza do presidente da Xunta Alfonso Rueda
A Xunta fixo entrega das 106 distincións ó mérito deportivo deste 2022 nun acto celebrado esta tarde en San Domingos de Bonaval. Quince dos galardóns outorgáronse a título póstumo.
Atletas, adestradores, árbitros e deportistas homes e mulleres de distintas disciplinas forman parte desta listaxe de honra, que quería recoñecer vidas dedicadas ó Deporte. Tamén acudiron representantes de distintos clubs, como Tirán ou Samertolameu, e os presidentes dos principais clubs de fútbol de Galicia.
Entre algúns dos premiados máis coñecidos estaban Míchel Salgado e Alvaro Pino (ausentes), o regatista Chuny Bermúdez de Castro e o exárbitro de fútbol Raúl García de Loza. Tamén David Cal e Beatriz Seijas, que interviñeron ademais como voceiros de todos os premiados.
