Unha veciña de Cabana de Bergantiños leva máis dun ano agardando que amañen o camiño de acceso á súa leira

Unha veciña de Cabana de Bergantiños foi vítima dunha corta de árbores non contratada na súa leira por unha empresa madeireira de Muxía. Despois de denunciar os feitos chegaron a un acordo, pagáronlle a madeira e indemnizárona. O que non amañaron foi o camiño de acceso, e teme que no inverno quede impracticable.

O Galicia Noticias púxose en contacto coa empresa madeireira que alega que non teñen notificación ningunha de que teñan que amañar o camiño. Asunción, veciña afectada, di que "non teñen que notificarlle nada porque está recollido na Lei de Montes, que a obriga a amañar o camiño público unha pez rematada a corta das árbores".

Asegura que "só quere que se cumpra a lei, o que significaría arranxar o camiño". Un cumprimento que di, lle permitiría acceder á súa leira sen estragar o vehículo ou depender de que alguén a leve nun todo terreo.