Arde o teito dunha nave no incendio declarado nunha granxa de Pol con 400 vacas

Unha explotación de Pol de 400 vacas quedou afectada por un incendio logo de que esta madrugada se orixinara un lume nunha nave na que se almacenaban as pacas de palla.

A intervención dos bombeiros e a rapidez do persoal da granxa evitaron que o lume fose a máis. O gando tampouco sufriu danos e o que máis afectado quedou polas lapas foi a uralita que cobre a estrutura.

Segundo Carlos Paredes, traballador da Gandería Chaín, "os bombeiros amenceron traballando aquí".