Localizan morto o británico de 61 anos desaparecido en Picos de Europa

A Axencia de Protección Civil e Emerxencias de Castela e León localizou o corpo sen vida do montañeiro británico de 61 anos desaparecido dende o xoves na vertende leonesa dos Picos de Europa.

Membros do operativo de rescate toparon o cadáver sobre as 11:30 horas na canle de Moeño, preto do lugar no que se lle perdeu a pista, grazas á mellora das condicións meterolóxicas.

Foi na contorna da localidade de Caín, logo de dúas xornadas de procura marcadas pola neve e as baixas temperaturas. Nun primeiro momento, mobilizouse un helicóptero pero a falla de visibilidade obrigou a continuar a busca por terra.