A Fiscalía pídelle ao TC anular a condena ao exfiscal xeral por revelación de segredos
O Ministerio Fiscal recorreu a sentenza que condenou a Álvaro García Ortiz a dous anos de inhabilitación e ao pagamento dunha multa de 7.200 euros
A fiscal xeral do Estado, Teresa Peramato Martín, e o exfiscal xeral, Álvaro García Ortiz, durante unhas xornadas de debate celebradas en marzo de 2026 en Madrid (Eduardo Parra/Europa Press)
A Fiscalía recorreu ante o Tribunal Constitucional (TC) a sentenza que condenou o exfiscal xeral do Estado Álvaro García Ortiz a dous anos de inhabilitación e a 7.200 euros de multa por revelación de segredos en relación a Alberto González Amador, parella de Isabel Díaz Ayuso.
O Ministerio Público pediu ante o TC a anulación da sentenza en que o Tribunal Supremo considerou, por unha maioría de cinco fronte a dous maxistrados, que García Ortiz incorreu no devandito delito ao revelar información da causa contra González Amador por fraude a Facenda.
A Fiscalía considera que a sentenza do Supremo vulnerou unha serie de dereitos de García Ortiz, como o da presunción de inocencia, ou o dun proceso con todas as garantías.
