Joseph Aidoo recoñece que esta temporada ten máis confianza
O internacional con Ghana foi elixido pola afección como o mellor futbolista do seu equipo no mes de abril
O Celta informou que Mingueza "completou a sesión de adestramento co grupo e progresa na súa recuperación"
O central do Celta Joseph Aidoo foi elixido pola afección como o mellor futbolista do seu equipo no mes de abril. O internacional con Ghana agradeceu este trofeo ao celtismo e dixo estar "moi contento", xa que o considera "moi importante".
"Esta tempada teño máis confianza, os meus compañeiros axúdanme a ser mellor".
Lembrou tamén que esa confianza se notou cara á portería -leva tres goles-, pois o primeiro ano tivo "mala sorte e deulle ao pau varias veces".
Ao longo do mes de abril, Aidoo participou nos cinco partidos que disputou o Celta -a vitoria ante o Elxe, os empates ante Sevilla e Almería e as derrotas fronte a Mallorca e Vilarreal-, sempre como titular e completando os 90 minutos.
Por outra banda, o Celta informou que Mingueza "completou a sesión de adestramento co grupo e progresa na súa recuperación"
𝐏𝐀𝐑𝐓𝐄 𝐌𝐄́𝐃𝐈𝐂𝐎 🏥 @OscarMingueza completou a sesión de adestramento co grupo e progresa na súa recuperación#RCCelta #ClínicaRCCelta
— RC Celta Galego (@RCCeltaGL) May 11, 2023
