Jose Mourinho novo adestrador do Real Madrid
Asina contrato ata xuño de 2029 e retorna a que foi a súa casa entre 2010 e 2013
Incorporarase ó club branco o próximo 13 de xuño cando comecen coa pretemporada
@realmadrid
O Real Madrid anunciou este xoves de xeito oficial a fichaxe para as tres próximas tempadas, ata o 30 de xuño de 2029, do técnico portugués José Mourinho como adestrador do primeiro equipo de fútbol en substitución de Álvaro Arbeloa, e incorporarase ao club o próximo 13 de xullo.
"A Xunta Directiva do Real Madrid CF, reunida hoxe xoves 11 de xuño e presidida por Florentino Pérez, acordou nomear a José Mourinho adestrador do primeiro equipo as tres próximas tempadas, ata o 30 de xuño de 2029"
José Mourinho incorporarase ao Real Madrid o próximo 13 de xullo, día que dará comezo a pretemporada, agrega. Mourinho, de 63 anos e que substitúe no cargo a Álvaro Arbeloa, regresa deste xeito ao Real Madrid, ao que xa adestrou tres tempadas entre a 2010-2011 e a 2012-2013. A primeira gran promesa electoral de Florentino Pérez nas eleccións do domingo, nas que superou a Enrique Riquelme, regresa á dirección do conxunto madridista coa misión de devolver ao equipo ao rumbo adecuado tras dous anos de decepcións. Para contratar a Mourinho o Real Madrid debe abonar ao Benfica os 15 millóns de euros de cláusula de rescisión para a súa fichaxe, algo que xa confirmou o club lisboeta.
