Jesús Arribas, aposta pola xuventude no banco do Arenteiro
Irmán de Alejandro Arribas, formouse no Raio Majadahonda co que xogou a fase de ascenso a 1ª RFEF hai unhas semanas
O Arenteiro aposta por un adestrador moi novo (28 anos) para a vindeira temporada. Jesús Arribas substitúe a Raúl Jardiel no terceiro proxecto do equipo do Carballiño na 1ª RFEF. Arribas formouse como adestrador nas categorías inferiores do Majadahonda e a pasada temporada recibiu o encargo de dirixir o primeiro equipo en Segunda Federación.
O resultado foi satisfactorio. O Majadahonda acabou no cuarto posto do Grupo V da 2RFEF e xogou a fase de ascenso hai unhas semanas. Superou a eliminatoria diante do Sant Andreu pero quedou eliminado na final polo ascenso diante do Avilés.
Jesús Arribas é irmán de Alejandro Arribas, ex xogador do Deportivo e que no mes de marzo saltou ás novas dos xornais polo seu interese en facerse coas accións do Arenteiro cando se convirta en Sociedade Anónima Deportiva.
