Javier Otero, un 'influencer' namorado da natureza e dos animais
Javier conta con máis de 370.000 seguidores nas súas redes
Convive diariamente con dous corvos, un lobo e un falcón
Javier Otero defínese como "salvaxe". Este influencer de Carril é un apaixonado da natureza e dos animais, e conta con máis de 370.000 seguidores nas súas redes sociais. A súa fama veu a raíz de subir vídeos mostrando a súa vida diaria convivindo cuns animais un tanto peculiares: dous corvos, un lobo e un falcón.
"Mostro o meu día a día sen máis, sen trampas, sen cartóns e sen filtros. Vou ao monte cos paxaros, vou á praia, póñolle cámaras no lombo...", asegura Javier.
E de onde xorde esta paixón polas aves?
"Cando eu tiña sete anos, meu irmán encontrou unha pombiña pequena que caeu dun niño, fíxenme cargo dela e aí espertou en min unha paixón polas aves que dura ata o día de hoxe", comenta o 'influencer'".
A natureza e Javier son dous nun e, este asegurou que o bosque, a natureza e os animais son un luxo que está presente en Galicia e afirmou que o mellor de todo é que é gratis.
