Investigan un veciño de Teixeiro como presunto autor de 10 delitos de incendio forestal
O home xa fora detido pola Garda Civil nunha primeira fase da operación Torunda
Os axentes cren que tamén podería ser o autor doutros 10 incendios forestais ocorridos entre o 31 de xullo e o 24 de agosto en Curtis, Oza–Cesuras, Sobrado dos Monxes, Toques e Melide
Imaxe de arquivo do incendio rexistrado o pasado verán en Toques
O Servizo de Protección da Natureza (SEPRONA) da Garda Civil da Coruña investiga un home como presunto autor de 10 delitos de incendio forestal na 2 fase da operación Torunda.
A operación, iniciada por mor do incendio rexistrado o 30 de xullo 2025 no termo municipal de Oza – Cesuras, conlevou a detención dun home como presunto autor de 11 delitos de incendio forestal en novembro do ano pasado, continuando coa investigación ante a sospeita de que esta persoa puidese estar relacionado coa autoría doutros 10 incendios forestais ocorridos entre o 31 de xullo e o 24 de agosto nos termos municipais de Curtis, Oza – Cesuras, Sobrado dos Monxes, Toques e Melide.
Como froito do traballo de campo realizado, os axentes lograron determinar que o presunto autor dos mesmos era a persoa detida en novembro por feitos similares, procedendo á súa investigación como presunto autor de 10 delitos de incendio forestal.
