Investigan un veciño de Moaña por provocar un incendio preto de varias vivendas

A Garda Civil e a Policía Local de Moaña investigan un veciño de 37 anos como presunto autor dun delito contra a seguridade colectiva por provocar un incendio nunha parcela do barrio de Riazón, no casco urbano da localidade. 

O lume declarouse o pasado 19 de xullo nunha zona con abundante vexetación seca e próxima a varias vivendas. Os veciños conseguiron conter o avance das lapas antes da chegada dos servizos de emerxencia. 

As dilixencias xa foron remitidas ao Tribunal de Instancia de Cangas.