Os incendios de Zaragoza e Madrid continúan sen controlar
O lume de Orés xa afecta a unhas 12.000 hectáreas
O de Lozoyuela mantén confinamentos e estradas cortadas
Ramón Comet / Europa Press
Os dous grandes incendios forestais activos en España continúan sen controlar. O máis preocupante é o declarado en Orés, na comarca zaragazona das Cinco Villas, onde as primeiras estimacións elevan xa a superficie afectada a 12.000 hectáreas, fronte ás 7.600 contabilizadas na noite do xoves.
Durante a madrugada intensificáronse os labores de extincións e foi necesario protexer as localidades de Malpica de Arba e Uncastilla, ás que chegaron as lapas. Preto de 700 persoas continúan desaloxadas nos municipios de Orés, Asín, Luesia, Malpica de Arba e Uncastillo. Ao longo da mañá incorporáronse medios aéreos para reforzar o operativo.
O incendio de Madrid segue activo
Mentres, o incendio forestal declarado en Lozoyuela, na Comunidade de Madrid, continúa sen estar controlado nin perimetrado. No operativo participan 28 medios terrestres, ademais de bombeiros, axentes forestais e efectivos do SUMMA 112 e de Protección Civil, á espera da incorporación dos medios aéreos.
Mateo Lanzuela / Europa Press
As autoridades manteñen o confinamento da localidade de Cinco Villas e continúan cortadas as estradas M-126 e M-135. O lume, que se iniciou na contorna do cerro de Cinco Villas, avanzou cara aos municipios de Buitrago de Lozoya e Puntes Viejas.
A investigación continúa aberta e un home foi detido como presunto responsable de provocar o incendio madrileño, que obrigou este xoves á evacuación de máis dun cento de persoas e ao confinamento doutras dúas mil.
