A Garda Civil investiga dez denuncias por vehículos con rodas picadas en Silleda

A Garda Civil de Pontevedra abriu unha investigación tras a presentación de dez denuncias por vehículos coas rodas picadas en Silleda.

Segundo confirmaron fontes do Instituto Armado consultadas por Europa Press, os feitos producíronse na madrugada deste mércores.

Os coches estaban estacionados en distintas rúas do municipio, entre elas Pontevedra, Trasdeza, Santa Eulalia, Alonso Paz, Progreso, Alfonso Trabazo ou María Colmeiro.