Investigan a morte de dúas mulleres, unha en Málaga e outra en Barakaldo

A Policía Nacional investiga a morte violenta dunha muller de 30 anos nun descampado de Málaga. O cadáver, aínda sen identificar, está pendente da autopsia, e activouse o protocolo xudicial.

O grupo de homicidios da comisaría provincial fíxose cargo das pescudas para determinar as circunstancias do falecemento, ocorrido ao redor das 6:30 horas no barrio da Palmilla.

Pola súa banda, a Ertzaintza investiga a aparición do corpo sen vida doutra muller en Barakaldo. Foron as propias fillas as que atoparon o corpo no interior da súa vivenda. As forzas de seguridade non desbotan ningunha hipótese.