Investigado un veciño de Trives de 39 anos ao que lle requisaron 15 plantas de marihuana

A Garda Civil investiga como presunto autor dun delito contra a saúde pública un veciño da Pobra de Trives de 39 anos ao que se lle comisaron 15 plantas e 355 talos de marihuana seca preparada para o seu consumo.

Segundo informou a Garda Civil de Ourense, tras realizar varias investigacións o día 17 de setembro, os axentes realizaron unha entrada e rexistro á vivenda do investigado.

Alí comisaron unha plantación de marihuana, distribuída en dous invernadoiros e nunha zona de secado no interior da vivenda. As dilixencias foron remitidas ao Xulgado de Instrución da Pobra de Trives.