Instalan en Santiago unha máquina expendedora de ramos de flores

En Pontevedra, e dende agora tamén en Santiago, xa se poden comprar flores a calquera hora do día e da noite. Falamos de dúas máquinas expendedoras de ramos, que son as primeiras de España e non pasan desapercibidas.

Porque pouco sorprende máis ca a beleza inesperada. Paran moitos a mirar a máquina  que instalaron en plena rúa, no Ensanche compostelán. Ofrecen nela 12 tipos de ramos numerados, indicando nunha pantalla o seu prezo. As flores mantéñense frescas porque se trata dunha cámara frigorífica. 

Gran novidade que permite mercar un ramo calquera día e a calquera hora, por se alguén sente urxencia de regalar cores e aromas un festivo ou unha noite. Din que sempre é bo momento para comprar flores.